25 Ное Познати се противниците на нашите кадети на Европското првенство, денеска во рингот двајца наши боксери
Македонија има четворица боксери на Европското првенство за кадети во Софија кое започнува од денеска и ќе трае се до 3 декември.
Денеска во рингот свои борби ќе имаат Енис Алиу и Бекир Лимани. Утре на програмата се борбите на Петар Арсовски кој има шанса со една победа да стигне до бронза, и Кемал Фетаи.
Енис Алиу во категоријата 54 килограми ќе ги вкрсти ракавиците со Бадир Калед од Израел, додека Бекир Лимани денеска за противник го има Филип Јилек од Чешка.
Утре, Петар Арсовски боксува со Николас Павлик од Полска, Кемал Фетаи за противник го има Ренатс Саровс од Летонија.
